Mkuu wa UN-HABITAT anaelezea umuhimu wa kudumisha makazi kuimarisha maendeleo
Mnamo mwanzo wa wiki Baraza la UM juu ya Maendeleo ya Uchumi na Jamii, yaani Baraza la ECOSOC, lilianzisha mijadala maalumu ya hadhi ya mawaziri, kufanya mapitio ya ripoti za Mataifa Wanachama juu ya mafanikio yaliojiri katika utekelezaji wa kitaifa, na kikanda, kwenye ile ajenda ya UM kuhusu shughuli za maendeleo. Wajumbe wa Baraza hilo walisailia kipamoja hatua za kuchukuliwa kimataifa kuondosha vizingiti vinavyokwamisha ustawi wa uchumi na jamii katika mataifa yanayoendelea.

Hapa na pale
KM Ban Ki-moon alipohutubia Chuo Kikuu cha Taifa cha Seoul, katika Jamhuri ya Korea, baada ya kupokea shahada ya hishima, alitoa mwito maalumu kwa wananchi wenzake uliowataka waongeze mchango wao kwenye juhudi za kutatua masuala magumu yanayosumbua ulimwengu wetu, mathalan, kupanda kwa kasi kwa bei za chakula, mifumko ya bei za mafuta na vile vile hatari inayopaliliwa na ugaidi.

KM amewasili Jamhuri ya Korea kwa ziara rasmi
KM Ban Ki-moonn Alkhamisi alifanyiwa mapokezi ya kishujaa alipowasili Jamhuri ya Korea (Korea ya Kusini), taifa aliozaliwa. Hii ni ziara rasmi ya awali kwa KM Ban tangu alipochukua madaraka ya kuongoza UM katika miezi 18 iliopita.

Ukombozi wa mateka 15 Colombia wapongezwa na KM
KM amepokea kwa ukunjufu mkuu taarifa ya Serikali ya Colombia kuwa imefanikiwa kuwaokoa mateka 15 walioshikwa na wanamgambo wa Jeshi la Mapinnduzi katika Colombia au FARC.

ICC imeamrisha Lubanga aachiwe, halan
Mahakama ya Kimataifa juu ya Jinai ya Halaiki (ICC) imeamrisha Thomas Lubanga Dyilo aachiwe, mtuhumiwa wa kwanza aliyekabili mashtaka kwenye Mahakama hiyo tangu ilipobuniwa. Kwa mujibu wa Mwendesha Mashtaka, Lubanga alituhumiwa kuajiri watoto wa umri mdogo waliolazimishwa kushiriki kwenye mapigano katika eneo la Ituri katika kipindi cha baina ya 2002 hadi 2003.

Bemba amehamishwa kizuizini Hague
Kadhalika Alkhamisi ya leo aliyekuwa Naibu Raisi wa JKK, Jean-Pierre Bemba amehamishwa kutoka Burussels, Ubelgiji na kupelekwa kizuizini mjini Hague, Uholanzi yalipo makao ya Mahakama ya ICC, ambapo atawekwa akisubiri kesi. Bemba ametuhumiwa kuongoza wafuasi wa kundi lake la MLC, kuendeleza vitendo haramu vya kunajisi kimabavu raia na kuwatesa watu, katika miaka ya 2002 hadi 2003 nchini JKK.

Korti ya Rufaa ya ICTY imemwachia huru Kamanda wa Bosnia
Korti ya Rufaa ya Mahakama ya Kimataifa juu ya Yugoslavia ya Zamani (ICTY) imemwachia Naser Oric, aliyekuwa kamanda wa vikosi vya Waislamu wa Bosnia katika maeneo ya Srebrenica. Alituhumiwa kuzuia wanajeshi waliokuwa chini ya uongozi wake kutoangamiza vijiji 50 vya WaSerb mnamo 1992 mpaka 1993, tukio ambalo linaripotiwa lilisababisha maelfu ya watu kuhama makwao.

Misaada ya kihali kuhudumiwa tena Abyei na UM
Hali ya utulivu imerejea katika eneo la Abyei, Sudan sasa hivi baada ya fujo zilizochipuka huko mwezi Mei. Shirika la Afya Duniani (WHO) likijumuika na mashirika mengine ya UM yameanza kuandaa miradi ya kihali kadha wa kadha ya kuwarudisha makwao maelfu ya watu waliohajiri makazi kufuatia mifumko ya vita siku za nyuma. Mashirika haya yanatarajiwa kuwapatia umma husika huduma za kihali ili kuanzisha maisha kwenye mazingira ya utulivu.